Dosto, Aaj ke digital daur mein hamara pura bank system hamare phone mein ho gya hai. Jab se UPI aur NetBanking aaya hai tab se bank Jane ka kaam kaafi had tk khatam ho gya hai, ham jyadatar kaam apne mobile se hi kar pate hai Lekin ab jara sochiye, agar aapka registered mobile number hi kho jaye ya band ho jaye, toh aapka account ek tarah se lock ho jata hai. Agar aapke sath bhi esa hua hai ki aapka registerd mobile number kho gya hai ya band ho gya hai. To hamari ye step guide aapke liye bhot kaam ki hone wali hai. Kyu aaj ham isme baat karenge ki bina branch jaye mobile number kaise change kare.
Bina Branch Jaye Mobile Number Kaise Change Kare?
Kya ye sawal aapke mnnn mai bhi hai? Zadatar log sirf yahi sochte hain ki bina bank jaye mobile number hatana ya change karna namumkin nahi hai, lekin RBI aur banks samay samay logo ki pareshaniyo ko dekhte huye nye nye niyam late rahte hai jisse logo ko kam se kam pareshaniyo ka samna karna pade, 2026 ke naye digital rules aur ATM services ne ise kaafi asan bana diya hai. Aaj ki Is detailed guide mein, main aapko SBI, HDFC jaise bade banks ke wo Secret Methods bataunga jo bank wale aapko asani se nahi batate.
Kya bank account se Mobile Number Puri Tarah Delete Ho Sakta Hai?
Isse pehle ki hum process shuru karein, ek baat saaf kar doon: Bank security aur RBI ke rules ke mutabik, aap apna mobile number ko Delete nahi kar sakte aur na hi is option ko Khali nahi chhod sakte hai. Aapko purane number ki jagah ek Naya active Number Update karna hi padega. Jisse aapko OTP aur notification mil sake. Isliye aap mobile number ko delete nhi kar sakte, sirf replace kar sakte hai.
SBI Account Mai Mobile Number kaise Change kare Online 2026
State Bank of India (SBI) ke mobile number change karna thoda sa mushkil hota hai kyu ki users ke saath ye main do situation hoti hai: Pahali ye ki unka purana SIM band ho chuka hota hai. Aur wo Naya number add karna chahte hai. Aur dusra, unka purana number active hai aur wo use sirf badalna chahte hai. In dono situation ka tarika alag alag hai, bank ke 3-4 pages ke form aur lambi lambi lines se bachne ke liye mai aapko do aasan tarike bata rha hu jinse aap dono situation mai bhi bina bank jaye mobile number change kar sakte hai:
Case A: SBI Net banking se mobile number kaise change karen (Agar Purana SIM Active Ho)
Ye tarika sirf tabhi kaam karta hai jab aapka purana mobile number chalu ho kyu ki naya number add karte time aapke purane number par bhi OTP jaata hai.
- OnlineSBI (SBI NetBanking) portal par login karein.
- Sabse pahle aapko search karna hai online sbi jaha se aapko SBI NetBanking ki Official website open karke apna username aur password dalkar captcha code fill karke login pr click kare ab aapke registerd mobile number par ek otp aayega ,aapko otp dal kar submit kardena hai ab aap SBI NetBanking par login ho jayenge.
- Login karne ke baad aapke samne aapka net banking ka dashboard open ho jayega yha par apko profile section par click karna hai,ab aapke samne ek nya pop-up open khulega usme aapko my profile wale section par click kar dena hai. Ab yaha aapko profile password dalne ka option aayega toh aapko apna profile password dalkar submit kardena hai.
- Ab aapke samne aapke sabhi personal details open ho jayegi, yha se aap display name, Gmail, aur mobile number change kar sakte hai. Hame mobile number change karna hai to mobile number wala option dekhna hai ,uske samne 3 option dekhne ko mil jayenge jinse aap number change kar sakte hai.
- Click here to view/print branch approval form
- Change mobile number (through branch)
- Change mobile number domestic only ( through atm)
- Kyu ki hame online number change karna hai to change mobile number domestic only par click kar dena hai. Ab aapke samne next page open hoga jisme aapko dono jagah apna new number dalkar submit kar dena hai.
- Ab next aapke samne jo page khulega uspar ek line hogi IRATA: internet banking approval through ATM iske samne ek box hoga uspr tick kare (jab purana mobile number band ho tab ise select kare) ab proceed par click kar dena hai.
- Ab next page par aapke samne aapke sabhi atm card show honge yha se aapko apne is account ka active atm card select karke confirm pr click karde. Ab next page aayega yha aapko apne atm card ki puri detail fill karni hai aur proceed pr click karna hai.
- Ab aapke dono mobile number par ek message jayega jisme 8 digit ka OTP aur 13 digit ka reference number hoga. Ab next aapko apne dono mobile par aaye hue otp aur reference number ko 567676 par sms karna hai: ACTIVATE <8 digit OTP> <13 digit ref number>.
Case B: Sim Band Ho gya Jaye to ATM Se Mobile Number Kaise Change Karen
Agar aapka purana mobile band ho gya hai to aapko upar batayi gyi process jaha pr aapko IRATA: internet banking approval through atm wala option aata hai us box ko tick karke same upar wali process puri kare isme aapke number par 10 digit ka reference number aayega.
uske baad aapko apne najadiki ATM par Jana hai aur machine mai apna card enter kar dena hai, sabse pahale language select kare, ab agr pin mange to atm pin daal de. Ab machine mai aapko next page khulega usme se banking ke option ko select karle, uske bad aapko services wala option select karna hai, ab fir aapke samne next page open ho jayega uspar aapko others ka option milega uspr click karde.
Ab fir se ek nya page khulega usme ek option hoga internet banking request approval use select karle ab jo page open hoga uspar aapko apne new mobile aaye huye 10 digit ke irata number ko enter karke press if correct wale option par click karde aapka mobile successfully change ho jayega sirf atm se hi.
HDFC Bank mai Mobile Number change kaise kare online
HDFC Bank ne apne customers ke liye sabhi services ko kaafi easy rakha hai. Yahan branch jane ki zarurat tabhi padti hai jab aapke paas koi ATM aur Mobile Number kuchh bhi na ho.
Method 1: hdfc bank ka purana mobile number aur atm card active ho
Aapke sabse pahle search karna hai HDFC Insta Service Mobile Number update. Jo sabse pahla result aayega uspar click karna hai aur let’s begin par click karna hai ab jo next page open hoga usme apni details Dale jaise – sabse pahle puchha jayega aapka purana number aapke pass hai ya nahi to aap yes select karle. Uske niche identify ka option milega usme aapko 3 option mil jate hai:
- Date of birth
- PAN
- Costumer Id.
Detail fill karke get otp pr click karde. OTP verify karne ke baad aapko naya mobile number dalne ka option milega. Ab next page par verification ke liye aapse debit card ya Credit card ki details puchhi jayegi. 24 ghante ke andar aapka nya number successfully change ho jayega.
Method 2: HDFC ATM (No OTP Needed)
HDFC ATM par jakar machine mai card insert kare, ab apni language select karle, useke baad do option aayege domestic aur international to aapko domestic select kar lena hai, ab jo next page open hoga usme aapko main menu select karna hai, ab jo next page aayega usme aapko More option select karna hai.
Ab Firr se aapko do option milenge domestic update aur international update toh unme se domestic update ko choose kar a hai. Ab aapke samne bhot saare options aajye ge to unme se aapko update mobile number par click kar a hai aur agale page par new number enter karne ka option aayega wha apna new number enter karke confirm karne ke liye mobile number re enter karna hai.
Ab next page par aapko apna ATM pin dalna hai aur confirm kar dena hai ab thodi derr process lega aur successfully ka notification aa jayega aur 48 ghante ke andar aapka mobile number successfully update ho jayega.
👉 Caution: kisi bhi bank account mai online mobile number change karte samay is baat ka vishesh dhyan rakhe ki kisi galat site ko open na kare. Agar koi aapse call par otp ya personal details puchhe to koi bhi jankari share na kare.
❓FAQs: Log Akshar Ye Questions pouchate Hai
Q1. Kya bina OTP ke bank me mobile number change ho sakta hai?
Ji haan, ATM machine ke zariye bina purane OTP ke number change kiya ja sakta hai. Bas aapke paas active Debit Card aur PIN hona chahiye. Bina Card ke aap online change nhi kar sakte hai.
Q2. Mobile number update hone mein kitna samay lagta hai?
Online aur App se aksar 24 ghante lagte hain. ATM se bhi lagbhag 24-48 ghante aur Branch se kabhi-kabhi 2-3 din lag sakte hain.
Q3. Kya online number change karne ke liye Net Banking zaroori hai?
Zaroori nahi hai, agar aapke paas Net Banking nahi hai toh aap ATM machine ya Bank ki official mobile app/website (Insta services) ka upyog karke aasani se number update kar sakte hain.
Q4. Purana SIM kho jane par naya number kaise link karein?
Aisi sthiti mein aap ATM machine par ja kar Internet Banking Request Approval ya Mobile Number Update wala option chun sakte hain, jisme purane OTP ki zaroorat nahi hoti.
Q5. Kya email se mobile number change karna safe hai?
Sirf bank ki official ID par hi mail karein. Kabhi bhi kisi unknown number par apni details na dein.
Final Conclusion
Doston, end mai mai aapse sirf itna hi bolna chahta hu ki kisi bhi bank ke account mai aap mobile number ko permanently nhi hata sakte, aap sirf use replace kar sakte hai. Kisi bhi galat site par apni personal details share na kare aur na hi kisi ki OTP Reference number etc ye chijen kisi se share na kare. Agar aapse nahi ho rha hai ye kaam to apne kisi khas se hi karwaye. Otherwise bank chale jaye waha aapko wait karna padega lekin aapka kaam 100% security ke sath hoga. Vaise Agar aapke paas ATM card hai aur aapko thoda knowledge hai to aapko Branch jane ki jarurat nahi padti. Toh Dosto maine aapko bata diya hai ki bina bank jaye mobile number kaise change kare.
Dosto, Aapko apne bank account mai mobile number update rakhne ke sath-sath is baat ka bhi dhayan rakhna chahiye, ki kahi aapke pass koi purana account to nahi hai jise aapne kaafi time se use nahi Kiya ho , agar aapke pass bhi esa koi account hai to aapko savdhan hone ki jarurat hai kyu aap jis account ko lambe time Tak use nhi karte to wo Dormant ho jata hai jo aapki jeb khali kar sakta hai, agar aapke pass koi esa account hai to use Aaj hi ghar baithe band karne ke liye hamari detailed guide Dormant Account Band Kaise Kare Online. Agar aap apne HDFC ya SBI Account Mai Online Mobile number online change karne ke baare mai aur detail mai jankari chahte hai to SBI mai mobile number change’s instruction (agar SBI mai account ho tab) ya HDFC mai mobile number change’s instruction (HDFC Bank mai Account Ho Tab) jarur padhen.
Agar ye jankari aapko pasand aayi ho to is post ko apne dosto ke sath share jarur kare.
⚠️Important Disclaimer
Ye post sirf jankari (information) ke liye likhi gyi hai. Banking rules samay samay par badalte rahte hai. Kuchh bhi karne se pahale apne Bank ki Official website par jakar latest jankari jarur le. Koi bhi kaam apne risk par kare, agar is post ko padhar aap koi kadam uthate hai aapka koi nukshan hota hai to usme Dhruv Guides ki koi jimmedari nhi hogi.